یہ دنیا اگر مل بھی جائے تو کیا ہے
Ye Duniya agar Mil Bhi jaaye
یہ محلوں ، یہ تختوں ، یہ تاجوں کی دنیا | یہ انساں کے دشمن سماجوں کی دنیا
یہ دولت کے بھوکے رواجوں کی دنیا | یہ دنیا اگر مل بھی جائے تو کیا ہے ؟
ہر اک جسم گھائل ، ہر اک روح پیاسی | نگاہوں میں الجھن ، دلوں میں اداسی
یہ دنیا ہے یا عالمِ بد حواسی | یہ دنیا اگر مل بھی جائے تو کیا ہے ؟
یہاں اک کھلونا ہے انساں کی ہستی | یہ بستی ہے مردہ پرستوں کی بستی
یہاں پر تو ہے جیون سے موت سستی | یہ دنیا اگر مل بھی جائے تو کیا ہے ؟
جوانی بھٹکتی ہے بدکار بن کر | جواں جسم سجتے ہیں بازار بن کر
یہاں پیار ہوتا ہے بیوپار بن کر | یہ دنیا اگر مل بھی جائے تو کیا ہے ؟
یہ دنیا جہاں آدمی کچھ نہیں ہے | وفا کچھ نہیں ، دوستی کچھ نہیں ہے
جہاں پیار کی قدر ہی کچھ نہیں ہے | یہ دنیا اگر مل بھی جائے تو کیا ہے ؟
جلا دو اسے پھونک ڈالو یہ دنیا | میرے سامنے سے ہٹا لو یہ دنیا
تمھاری ہے تم ہی سنبھالو یہ دنیا | یہ دنیا اگر مل بھی جائے تو کیا ہے ؟
Sahir Ludhianvi
تا کہ اردو کی اشاعت ہو
- چنندہ اشیاء ضرورت کے اعتبار سے معیاری قیمت : بیسٹ قیمت ڈاٹ کام
- بیسٹ قیمت : خرید فروخت سے متعلق بلاگ
- فبریکیشن جاب سے متعلق سب کچھ اپڈیٹ کے لئے
ایک تبصرہ شائع کریں